पान जागे फुल जागे, भाव नयनी जागला
चंद्र आहे साक्षीला, चंद्र आहे साक्षीला
चांदण्याचा गंध आला, पौर्णिमेच्या रात्रीला
चंद्र आहे साक्षीला, चंद्र आहे साक्षीला
स्पर्श हा रेशमी, हा शहारा बोलतो
सूर हा, ताल, हा, जीव वेडा डोलतो
रातराणीच्या फुलांनी, देह माझा चुंबिला
लाजरा, बावरा, हा मुख चंद्रमा
अंग का चोरिसी, दो जीवांच्या संगमा
आज प्रीतीने सुखाचा, मार्ग माझा शिंपिला
Source: http://www.aathavanitli-gani.com/Song Html/251.htm
Comments